3.5.19
2.5.19
DEPORTE NA RUA
Onte xoves día 2 de Maio, o
IES Asorey celebrou en Fefiñáns o Día do
Deporte na rúa.
O 25 de Abril, celébrase o Día
do Deporte na rúa, e tendo todo preparado, pola climatoloxía adversa houbo que
posponer a súa realización, ata esta semana, onde o sol volveu a acompañar o
desenvolvemento da sesión.
Os alumnxs de 1º e 2º da ESO,
máis dun centenar deles, realizaron
diversas actividades deportivas e xogos na Praza de Fefiñáns. Unha maneira de
facer visible a interconexión que nunca deberá perderse entre a cidade e os
seus espazos, e o seu disfrute como zona de vida saúdable e de lecer.
Turistas, cambadesxs e membros
da comunidade educativa do Asorey, acompañaron o desenvolvemento desta
actividade, que modificou a rutina habitual da zona de Fefiñáns.
Baixo a coordinación do
Profesor Pablo Cuervo, ao longo de dúas horas, a música e as prácticas
deportivas, puxeron cor e alegría nun espazo emblemático do noso Concello.
29.4.19
9.4.19
22.2.19
20.2.19
28.1.19
19.12.18
sinquerer2. Tristura!!!
Dende a Comunidade Educativa do IES Asorey de Cambados, queremos manifestar a nosa dór e darlle o noso máis sentido pésame ás familias do mariñeiros falecidos do naufraxio do pesqueiro SINQUERER2.
Novamente a traxedia visita a nosa localidade e enche de pranto a familias que comparte con nós emocións e vivencias. Unha desgraza que volve a falarnos da fraxilidade, do efímero e da dureza das condicións de vida e de traballo das nosas xentes do mar. Hoxe compartimos a vosa dór.
¡Que descansen en paz!
